A MOCHILA PARA O SENDEIRISMO
En liñas xerais podemos apuntar que a mochila dun Guía de Montaña debe oscilar entre os 70-90 litros de capacidade, co cal o seu peso oscilara ao redor dos 2000 gramos, de tipo anatómico, con tea impermeabilizada e resistente, etc.
As mochilas soen regularse á medida das costas, de tal xeito que as dúas terceiras partes do peso da carga descansen sobre a cadeira. Ademais de colocarse ben a mochila sobre os ombreiros, é necesario saber canto podemos cargar nela. Toda persoa pode cargar sen maiores problemas unha quinta ou sexta parte do seu peso corporal. É correcto para excursións de 2 ou 3 días de duración entre 10 e 20 kg, aínda que o recomendable é non pasar dos dez kilogramos.
“O peso debe ir cerca do eixe de gravidade do corpo”. Para nos, isto significa que os obxectos mais pesados van cerca das costas e o máis alto posible; os mais liviáns, como é a bolsa de durmir ou a roupa, colócanse abaixo e na parte máis afastada das costas da mochila. Debemos adquirir unha mochila á nosa medida.