Pendentímetro

Ángulos, pendentes e alturas

Nesta entrada imos contar que é, e cómo se utiliza un clinómetro-pendentímetro. O arquivo para imprimilo xunto cun mapa do camiño de inverno, pódese descargar neste enlace.

Un clinómetro é un aparello que serve para medir ángulos, neste caso, verticais. Tamén se chama goniómetro, inclinómetro, ...

Un pendentímetro é un instrumento que serve para medir pendentes.

Nós unimos ambas medicións nun só gráfico; vaia por diante que eliximos ter mais precisión cos graos que coa porcentaxe de pendente. O feito de ver ambos valores nunha mesma imaxe cumpre un obxectivo didáctico, axuda a relacionalas, e fai fincapé no concepto de pendente do 100% asociada a un ángulo de 45º (facemos o mesmo percorrido en horizontal que en vertical).

O ángulo fórmase ao enfocar con este aparello cara o punto mais alto dun obxecto. Un dos lados o marca o fío co peso, e o outro a liña vermella que pasa polo 0.

Clinómetro-Pendentímetro

A montaxe é sinxela, dobrar dúas veces sobre si mesmo o papel e pregar a parte superior polas beiras para poder mirar polo oco.

Lembra que tes que manter o plano do clinómetro perpendicular ao chan cando esteas a facer as medicións do ángulo vertical.

A partir deste valor, medindo tamén a distancia dende a nosa posición ata o lugar onde está o obxecto, podemos estimar a súa altura.

Se prefires ter só o clinómetro, tes varias opcións nos arquivos seguintes feitos polo alumnado de 1º de bacharelato. Neles atoparás as instrucións para completalo e os cálculos, tanto en castelán coma en galego, elixe a que mellor entendas.

VERSIÓN 1: emprega a tanxente do ángulo que indica o clinómetro.

VERSIÓN 2: Emprega a porcentaxe que marca o clinómetro

VERSIÓN 3: Emprega a porcentaxe que marca o clinómetro

 

VERSIÓN 4: Emprega a porcentaxe que marca o clinómetro, en castelán.

 

VERSIÓN 5 : Emprega a porcentaxe que marca o clinómetro

 VERSIÓN 6 : Emprega a porcentaxe que marca o clinómetro, en castelán

  VERSIÓN 7 : Emprega a tanxente do ángulo, en castelán