 |
| Sobreira Milenaria (A Pobra de Brollón) |
A Real Academia Galega (RAG) define o adxectivo senlleiro como sen igual, incomparable. Este termo é o elixido para denominar ás árbores que teñan características extraordinarias e que merezan ser protexidas en atención á súa idade, rareza, dendrometría, ou singularidade. Lóxicamente hai criterios mais específicos que se poden consultar na web da Dirección Xeral de Patrimonio Natural, xa que dende o ano 2007 existe un catálogo de árbores senlleiras que periódicamente é actualizado. A última revisión foi en decembro de 2019 (DOG do 14 de agosto de 2020), e a listaxe completa podémola descargar neste sitio. Asemade, en xaneiro de 2019 presentouse a primeira guía de viaxes de árboles senlleiros galegos, que nos invita a facer un percorrido polos cincuenta exemplares mais destacados (descargar a guía).
 |
| Teixo de Cereixido (Quiroga) |
O que agora nos interesa e saber se podemos desfrutar da visión dalgunha destas árbores ao facer o Camiño de Inverno, e de paso estimar dúas dimensións de interese, o diámetro e a altura. Para iso descargamos o arquivo kml coa situación destas e o kml do camiño e ao superpoñelo empregando google earth comprobamos que non hai coincidencias polo que non se atopan perto da ruta. Outras opcións, como o Camiño Francés si gozan desta posibilidade, en todo caso sempre podemos facer un descanso e desviarnos un pouco para contemplar estes monumentos da natureza.
(Mapa actualizado a novembro de 21)
ANEXO
Descarga da cartografía SIX das árbores senlleiras
Descarga do KML do Camiño de Inverno
