Coa entrada da primaveira preparamos unha andaina dende o noso centro educativo por un pequeno tramo do Camiño de Inverno.
Previamente fixemos unha análise das observacións que se poderían facer no percorrido dende distintos puntos de vista, e que nos levarían, mais tarde, a desenvolver contidos das nosas materias.
 |
| Imaxes tomadas durante a preparación da andaina |
Foron moitas as ideas traballadas polo profesorado implicado, das que, finalmente, seleccionamos dúas: "medicións" e "Machine Learning".
MEDICIÓNS e APRENDIZAXE MÁQUINA
Os teléfonos móbiles permiten a toma de datos desasistida/asistida. Nós empregaremos as aplicacións do IGN para gravar o track e puntos de interese. Con respecto á medición de ángulos usaremos o pendentímetro de elaboración propia, e para a tarefa de "Machine Learning", google lens.
Estas observacións gardaranse nos formularios creados no proxecto "Andaina Caminho de Inverno", desenvolvido coa aplicación Epicollect5, que consta de dous formularios, un para a parte de medición e outro para a de aprendizaxe máquina.
 |
| Portada do proxecto en Epicollect5 |
 |
| Infografía tomada da web https://www.seoptimer.com/es/blog/que-es-google-lens-y-para-que-sirve/ |
Exemplos de Google Lens
 |
| Exemplo de uso da opción texto en google lens |
Exemplo de busca coa opción "sitio" no que se aprecia como a aplicación marca puntos da imaxe para buscar patróns, neste caso enfocamos cara o conxunto monumental de San Vicente para ver si era quen de dicir que estamos en Monforte pero o resultado foi erróneo. Nestes casos podemos contribuir a aprendizaxe facendo uso da opción que se indica ao final da pantalla.
 |
| Botón de activación dende google fotos |